മണിക്കൂറിൽ 50 കിലോ മീറ്റർ വരെ വേഗതയുള്ള കാറ്റിന് ഇടയുണ്ട്. കടൽ പ്രക്ഷുബ്ധവുമാണ്. അതിനാലാണ് മത്സ്യ തൊഴിലാളികളും തീരപ്രദേശത്ത് താമസിക്കുന്നവരും ശ്രദ്ധിക്കണമെന്ന മുന്നറിയിപ്പ് നൽകിയിരിക്കുന്നത്. ഇടിമിന്നൽ ജാഗ്രതാ നിർദേശവും നിലവിലുണ്ട്.
24-ാം തീയതിവരെ മിക്കവാറും എല്ലാ ജില്ലകളിലും മഴ കിട്ടും. 27 ന് കാലവർഷം കേരളത്തിലെത്തുമെന്നാണ് കരുതുന്നത്, എന്നാൽ ഇത് നാലു ദിവം മുൻപോ പിൻപോ ആകാം. കേരളത്തിലും ലക്ഷദ്വീപിലും കർണാടകത്തിലും മൺസൂണിന് മുൻപായുള്ള മഴയാണ് ശക്തമായിരിക്കുന്നത്. വടക്കുകിഴക്കൻ
സംസ്ഥാനങ്ങളിലും മഴ ലഭിക്കുന്നുണ്ട്.
22-ാം തീയതിയോടെ കർണാടക തീരത്തിനടുത്തായി ന്യൂനമർദം രൂപമെടുക്കുമെന്നാണ് കാലാവസ്ഥാ വകുപ്പ് പറയുന്നത്. ഇതോടെ കേരളത്തിൽ മഴ കൂടുതൽ ശക്തമായേക്കാം.
ജാഗ്രതപാലിക്കണമെന്ന നിർദേശം കാലാവസ്ഥാ വകുപ്പ് സർക്കാരിന് കൈമാറിയിട്ടുണ്ട്. നാളെ ( 20.5.25) നാലുജില്ലകളിൽ ഓറഞ്ച് അലർട്ടാണ് ( കോഴിക്കോട്, വയനാട്, കണ്ണൂർ, കാസർകോട്). എട്ടുജില്ലകളിൽ യെലോ അലർട്ട്- (പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം).
Post a Comment